خمسة أسماء تحت 23 سنة من الدوري المصري الممتاز تستحق المتابعة
خمسة أسماء تحت 23 سنة من الدوري المصري الممتاز تستحق المتابعة
خمسة أسماء من الدوري المصري الممتاز الموسم ده، بعمر 23 أو أقل، مختارين من بيانات المواسم وبناء علي ترشيحات محركات VISON AI . المقال ده فيه ملخص بسيط لكل لاعب و لو حابب تعرف اكتر عنهم هتلاقي تقاريرهم التفصليله علي الموقع
محمود صلاح (18, غزل المحلة) — العينة الأكبر، ثلاثة مراكز
محمود صلاح كان من نوعية اللاعبين اللي المدرب كان يقدر يحطهم في أي مكان في الخط الأمامي. الموسم اللي فات لعب في كل مراكز الهجوم تقريبا كمهاجم، وعلى الجناح اليمين، وعلى الجناح الشمال، ده بيديك فكرة عن مرونته، و الثقة اللي خدها من الجهاز الفني رغم إنه لسه عنده 18 سنة.
من أقوى نقاط قوته هي حمل الكره للامام و التقدم بالكرة. من أفضل لاعبي الدوري المصري في النقطه دي، وواصل %94 في مؤشرات vision ai لحمل الكره لمسافات
من غير الكرة، محمود صلاح بيقدم قيمة كبيرة لفريقه، ودي واحدة من أهم الصفات اللي بيبحث عنها أي فريق في الكره الحديثه، ومش بتقل عن إمكانياته وهو معاه الكرة. صلاح من نوعية المهاجمين اللي لا يتوقفوا عن الضغط، سواء في الضغط العالي أو العكسي أول ما الفريق يفقد الكرة، بيبدأ الضغط فورًا لمحاولة استعادتها أو إجبار المنافس على لعب خيارات أصعب و ده واضح بتفوقيه علي كل لاعبي غزل المحلة في الجانب ده بفرق
الموسم الماضي سجّل أكثر من 34 فعلًا دفاعيًا واستعادة للكرة في نصف ملعب المنافس، وده رقم بيعكس مساهمته في الضغط العالي، ويفسر ليه الجهاز الفني اعتمد عليه باستمرار رغم إنه لسه عنده 18 سنه
عبده جودة (23, الاتحاد السكندري) :
جودة بروفايل نادر بين مدافعي الدوري المصري. مش بس مدافع صلب من غير الكرة، لكنه كمان بيضيف لفريقه وهو معاه الكرة
دفاعيًا، حصل على تقييم 94% في الأفعال الدفاعية الناجحة، مع معدل فوز بالثنائيات وصل إلى 66% وفقًا لمؤشرات Vision AI.
وبالكرة، ما بتقلش تميزًا. حقق 88% في التقدم بالكرة، و89%** في الخطورة الهجومية اللي بتضيفها تمريراته (xT). عشان كده يعتبر من المدافعين النادرين في الدوري المصري، لأنه بيجمع بين الصلابة الدفاعية والقدرة على نقل الفريق للأمام بنفس الجودة.
أحمد عتمان (23, غزل المحلة):
رغم قلة مشاركاته(472دقيقه)، أرقام عثمان بالكرة من أفضل الأرقام في العينة المختاره. حقق 88% في التقدم بالكرة (Progressive Carries)، و87% في التمريرات التقدمية (Progressive Passes)، و84% في التمريرات كاسرة الخطوط (Line-Breaking Passes) على مؤشرات Vision AI. ده بيديك فكرة عن نوعية اللاعب؛ من اللاعبين اللي بيعرفوا ينقلوا الفريق لقدام، سواء بالتقدم بالكرة أو بتمريرات تكسر خطوط المنافس.
عتمان من نوعية اللاعبين اللي بيحاولوا يراوغوا كتير . لكن غزل المحلة مش فريق استحواذ، وكتير من مشاركاته كانت والفريق متأخر في النتيجة، فكان بيتحط باستمرار في مواقف أصعب من الطبيعي. وده واضح في عدد محاولات المراوغة مقارنة بنسبة نجاحها. مؤشرات Vision AI بتقول إن الجانب ده مرشح يتحسن مع أي فريق بيوفر له حلول أكتر بالكرة، أو مع تغير أسلوب لعب غزل المحلة الموسم القادم
محمد هاني (طلائع الجيش):
